Экономика

Экономика

Қызылорда облысының ЖӨӨ 2018 жылы 1,1 трлн. теңге (ҚР ЖӨӨ-дегі облыстың ЖӨӨ үлесі 3,1% құрады). Қазақстанның өңірлері арасында ЖӨӨ көлемі бойынша Қызылорда облысы 11-ші орында.

Қызылорда облысының ЖӨӨ құрылымында қызметтерге 60,7% немесе 754,7 млрд.теңге, тауарларға 39,3% немесе 550 млрд. теңге келеді. Бұл ретте тауарлар бойынша ЖӨӨ – нің ең үлкен көлемі өнеркәсіп өндірісіне-91% немесе 503,6 млрд.теңге, ауыл шаруашылығы өнімдерінің үлесі 9% немесе 46,3 млрд. теңгені құрады.

Ауыл шаруашылығы
Ауыл шаруашылығының жалпы өнімінің көлемі 46,3 млрд. теңгені немесе 2017 жылға 101,6% құрады.

Есепті кезеңде тірі салмақта 2,9 мың тонна мал және құс еті, 5,3 мың тонна сүт (сиыр), 0,4 млн. дана жұмыртқа өндірілді немесе тиісінше 103,6%, 101,1% және 2017 жылға 100,9%. 

Өсімдік шаруашылығы 
2018 жылы облыс бойынша ауыл шаруашылығы дақылдары 178,9 мың га жерге орналастырылды, оның ішінде дәнді дақылдар – 16,3 мың га, жем – шөп – 56,6 мың га, картоп, көкөніс, бақша – 16,8 мың га, майлы және техникалық дақылдар-8,5 мың га.

Мал шаруашылығы
2018 жылдың қорытындысы бойынша облыста 310 мың бас ірі қара, 575 ,3 мың бас қой мен ешкі, 118,9 мың бас жылқы, 41,9 мың бас түйе және 111,9 мың бас құс бар.

Өнеркәсіп
Өнеркәсіп өндірісінің көлемі 2018 жылы 503,6 млрд.теңгені құрады, бұл 2017 жылғы деңгейден 27,4% - ға жоғары.

Облыстың өнеркәсіп өндірісінің 85,3% - ы тау-кен өнеркәсібіне тиесілі, мұнда негізінен шикі мұнай өндіру басым, оның Облыстың өнеркәсіп өндірісіндегі үлесі 62% - ды құрады. Өңдеу өнеркәсібінің үлесі барлығы 10,5%, электрмен жабдықтау – 3,6% және сумен жабдықтау – 0,5% құрады. 

Кен өндіру өнеркәсібі және карьерлерді қазу саласында 769,7 млрд. теңге сомаға өнім өндірілді. 2017 жылдың сәйкес кезеңімен салыстырғанда нақты көлем индексі 93,9% құрады. 

Атап айтқанда, көрсетілген кезеңде 673,3 млрд.теңге сомасына 5,6 млн. тонна шикі мұнай өндірілді, НКИ 85,5% құрады.

Өңдеу өнеркәсібі кәсіпорындары (өнеркәсіп құрылымындағы үлесі 10,5% құрайды) 53 млрд.теңге сомаға өнім өндірді. Нақты көлем индексі 98,6%.

Металлургия өнеркәсібі саласының негізгі асыл және түсті металдарының металлургия өнімдерінің өндірісі 32,2% - ға өсті.

Азық-түлік өндірісінде 40 млрд. теңге сомаға өнім өндірілді. Оның ішінде күріш өңдеу 10,3% - ға, сұйық өңделген сүт 65,0% - ға, йодталған тұз 23,6% - ға, ет өнімдері 65,5% - ға өсті.

Химия және онымен аралас өнеркәсіп салаларында 10,4 млрд.теңге сомаға өнім өндірілді (НКИ – 105,1%).

Өзге де металл емес минералдық өнімдер (кірпіш, құрылыс мақсаттарына арналған бетоннан жасалған бұйымдар, тауарлық бетон) өндірісі 6,6% - ға ұлғайды.

Қолданбасын орнатыңыз:
1) Ашыңыз сайты Safari
2) сақтау Түймешігін түртіңіз
3) Қосу экран үйге